Analisti Etmond Guri, në një lidhje “Skype” me emisionin “Mirëmëngjes Shqipëri”, dha detaje të reja nga sulmi i ndodhur një ditë më parë në Greqi, ku një 89-vjeçar plagosi me armë zjarri pesë punonjës të shtetit grek.

Sipas Gurit, ngjarja ka ngritur pikëpyetje serioze mbi sigurinë dhe reagimin e institucioneve. Ai theksoi se autori kishte udhëtuar nga Patra drejt Athinës i armatosur me armë gjahu, duke arritur të hynte fillimisht në një zyrë të shërbimeve shoqërore, ku plagosi një punonjës.

Më pas, ai është larguar pa u ndaluar nga askush dhe ka vijuar drejt Gjykatës së Shkallës së Parë dhe Gjykatës Administrative, ku ka plagosur edhe katër persona të tjerë.

Guri theksoi se në këtë ngjarje reagimi i policisë greke ka qenë i vonuar. Sipas tij, në njoftimin e autorit thuhet se shkak për sulmin ishte pakënaqësia ndaj mosmarrjes së shërbimit nga Agjencia Kombëtare e Sigurimeve Shoqërore.

“Nga një anë promovohet shteti i së drejtës dhe papritur një qytetar udhëton nga Patra në Athinë me armë gjahu, hyn në një zyrë të shërbimeve shoqërore, sulmon një punonjës . Më pas largohet pa u ndaluar nga askush, shkon në Gjykatën e Shkallës së parë, Gjykata Administrative dhe plagos 4 të tjerë. Më pas largohet përsëri dhe askush se identifikoi. Pasi rikthehet në Patra, ndalohet nga Policia ku i gjendet arma e gjahut dhe një pistoletë me mulli.

Autori është ndaluar në flagrancë kryesisht në raste të tjera, por në këtë ngjarje policia greke është gjetur në pafajësi.

Në njoftimin e tij ai sqaronte se shkak ishte mosshërbimi nga Agjencia Kombëtare e Sigurimeve Shoqërore”, deklaroi Guri.

/rtsh.al/