Në US Open, do të ketë një tjetër finale midis Jannik Sinner dhe Carlos Alcaraz, të cilët do të takohen përsëri vetëm një muaj pas ndeshjes së tyre në finalen e Materit të Cincinnatit, e cila përfundoi me tërheqjen e italianit.

Jannik Sinner mposhti kanadezin Felix Auger-Aliassime në gjysmëfinale. Italiani, numri një në botë, fitoi me rezultatin 3-1 (6-1, 3-6, 6-3, 6-4), një ndeshje që zgjati 3 orë e 21 minuta.

Në finalen e Grand Slamit amerikan, italiani përballet me rivalin dhe mikun e tij spanjoll Carlos Alcaraz, që mposhti me rezultatin 3-0 (6-4, 7-6(4), 6-2) Novak Djokovic në gjysmëfinalen tjetër.

Sinner dhe Alcaraz janë përballur me njëri-tjetrin edhe në finalen e Roland Garros dhe Wimbledon në vitin 2025.

Alcaraz do të luajë finalen e tij të tretë të Grand Slam këtë vit, duke vazhduar të ndjekë ëndrrën e tij për t’u rikthyer në numrin 1 në botë: Jannik Sinner, edhe një herë, i del pengesë.

Në moshën 24 vjeç e pak ditësh, Sinner është lojtari më i ri në epokën e Open që arrin katër finale të Grand Slam në një sezon të vetëm dhe lojtari i katërt që e arrin këtë sukses.