Tentoi të grabiste bankën në Tiranë, Policia: Autori mori 8 milionë lekë nën kërcënimin e automatikut

Aktualitet | 9 muaj më parë

Policia e Tiranës ka njoftuar se autori i tentativës së grabitjes së bankës së nivelit të dytë ditën e djeshme në Tiranë, ka marrë 8 milionë lekë të vjetra.

Autori 61-vjeçar B.F., arriti që nën kërcënimin e automatikut të merrte shumën e sipërpërmendur, por pa arritur të dalë me sukses nga banka, pasi u neutralizua dhe arrestua nga efektivët blu.

Policia ka sekuestruar në cilësinë e provës materiale shumë e parave të vjedhura.

“Specialistët për Hetimin e Krimeve ndaj Pronës dhe Jetës, në bashkëpunim me shërbimet e Komisariatit të Policisë Nr. 2, vunë në pranga shtetasin B. F., 61 vjeç, pasi dje, në rrugën “Muhedin Llagami”, ka hyrë në ambientet e një banke, me armë zjarri automatik, dhe ka marrë 800 000 lekë. Në cilësinë e provës materiale u sekuestrua arma e zjarrit dhe shuma e parave të vjedhura”, thuhet në njoftim.

/rtsh.al/

grabitja e bankes

tirane

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.