Viti 2025 shënoi një rekord të ri për aviacionin evropian me 2.6 miliardë pasagjerë, por ndërsa tregjet e mëdha si Britania dhe Gjermania patën rritje të ngadaltë, Shqipëria dhe Ballkani Perëndimor shkëlqyen si motorët e rinj të lëvizshmërisë.

Sipas raportit vjetor të Këshilli Ndërkombëtar të Aeroporteve, trafiku i pasagjerëve në rrjetin e aeroporteve evropiane u rrit me +4.4%. Megjithatë, performanca më e lartë u regjistrua në tregun jashtë BE ku Shqipëria shënoi një rritje prej +8.7%. Ky rezultat e rendit vendin tonë mes performuesve më të mirë në rajon, krah Bosnjë-Hercegovinës dhe Maqedonisë së Veriut.

Suksesi i Shqipërisë i atribuohet kryesisht zgjerimit te shpejte të linjave ajrore me kosto të ulët, të cilat e kanë transformuar vendin në një destinacion kyç për turizmin.

Përfaqësues të Këshillit Ndërkombëtar të Aeroporteve theksojeni se aviacioni po luan një rol kritik në konkurrueshmërinë e ekonomive që mbështeten te turizmi.

Për vitin 2026, parashikimet mbeten optimiste me një rritje të pritshme prej +3.3% në nivel kontinenti. Megjithatë, sfida mbetet infrastruktura dhe zbatimi i sistemit të ri të hyrjeve dhe daljes në hapësirën Schengen, i cili mund të krijojë vonesa.

Pavarësisht sfidave gjeopolitike, Shqipëria vazhdon të konsolidojë pozicionin e saj si një nyje e rëndësishme e fluturimeve në Evropën Juglindore.

/rtsh.al/