Trump: Do të pranoja një pezullim 20-vjeçar të programit bërthamor të Iranit

Botë | 6 muaj më parë

Presidenti i SHBA-së, Donald Trump, ka deklaruar se do të pranonte një pezullim 20-vjeçar të programit bërthamor të Iranit, por ka theksuar se duhet të ketë garanci të forta nga Teherani.

Duke iu përgjigjur një pyetjeje të një gazetari në bordin e avionit presidencial Air Force One, Trump tha: “20 vjet janë të mjaftueshme. Por niveli i garancive nga ana e tyre… duhet të jetë një 20-vjeçar i vërtetë”.

Në të kaluarën, Trump ka kërkuar që Irani të ndalojë përgjithmonë pasurimin e uraniumit, duke argumentuar se nuk donte t’ia kalonte problemin një presidenti të ardhshëm.

Deklarata e fundit e Trump shënon një pozicion më fleksibël krahasuar me qëndrimin e tij të mëparshëm “përgjithmonë”, por ai vazhdon të insistojë për verifikime strikte dhe garanci reale nga Irani.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.