Mes shqetësimeve për fluksin e emigrantëve të paligjshëm drejt Evropës, Letonia njoftoi se ka zbuluar një tunel nëntokësor në kufirin me Bjellorusinë, që sipas autoriteteve ndihmonte refugjatët të kalonin kufirin ilegalisht.

“Rreth mesnatës, u zbulua tuneli i parë i këtij lloji në Letoni në zonën e monitoruar nga Njësia e Rojeve Kufitare të Silene. Përmes bashkëpunimit të ngushtë MES Gardës Kufitare të Shtetit, Forcave të Armatosura Kombëtare dhe policisë, një grup migrantësh u gjet i fshehur nën tokë, ndërsa përpiqeshin të përcaktonin më saktë se si kishin hyrë në vend, oficerët zbuluan tunelin e fshehtë.”- beri me dije ministri i brendshëm Janish Dombrava.

Rojet Kufitare të Shtetit saktësuan se u kapën 15 persona  që kishin hyrë në mënyrë të paligjshme përmes tunelit nëntokësor, i cili u zbulua 10 metra larg kufirit kombëtar me Bjellorusinë.

Ministri Donmbrava  urdhëroi autoritetet përgjegjëse skanojnë terrenit përgjatë kufirit të jashtëm për të përcaktuar nëse ka tunele të tjera, ndërsa paralajmëroi masa me përdorimin më intensiv të dronëve për zbulimin dhe ndalimin e hyrjes së migrantëve të paligjshëm nga Bjellorusia, me të cilën ndan një kufi prej 173 km.

“Letonia do të bashkëpunojë me vendet fqinje Estoninë, Lituaninë, Poloninë dhe të tjera për të ndaluar rrjedhën e migrantëve”-  tha qeveria e atij vendi.

Vendet evropiane kanë shprehur shqetësim për migracionin e pakontrolluar në javët e fundit pas një fluksi prej dhjetëra mijëra njerëzish nga Maroku në enklavën spanjolle të Ceutës, megjithëse shumica e tyre janë larguar që atëherë.

/rtsh.al/