UEFA Women’s Europa Cup, Partizani mundet nga Spartak Subotica

Sport | 1 vit më parë

Partizani i vajzave luajti sot ndeshjen e parë në UEFA Women’s Europa Cup ndaj Spartak Subotica. Në stadiumin “Niko Dovana”, ekipi serb fitoi me rezultatin 0-5.

Trajnerja Cyme Lulaj e nisi ndeshjen me këtë formacion titullar: Hyska (GK), Coka, Dedgjonaj (C), G. Berisha, Rushaj, Mema, Baftia, Bushati, Gashi, L. Gashi, Musaj.

Spartak Subotica zhbllokoi rezultatin që në minutën e parë me golin e Smith. Smith shënoi golin e dytë në minutën e 28-të, ndërsa Vranic realizoi golin e tretë në minutën e 36-të.

Në pjesën e dytë, Smith dhe Kim shënuan dy gola të tjerë, dhe sfida u mbyll me rezultatin 0-5 për Spartak Subotica.

Ndeshja e kthimit, Spartak Subotica – Partizani, do të luhet më 17 shtator, në orën 18:00.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.