Vatikani mbyll Kapelën Sistine, përgatitet për konklavën papale pas vdekjes së Papa Françeskut

Botë | 2 vite më parë

Vatikani ka mbyllur për publikun Kapelën Sistine, ndërsa po përgatitet për konklavën papale që do të zgjedhë pasardhësin e Papa Françeskut, i cili ndërroi jetë më 21 prill në moshën 88-vjeçare.

Papa Françesku u varros të shtunën në Sheshin e Shën Pjetrit, ku morën pjesë udhëheqës botërorë dhe mijëra besimtarë. Vatikani po respekton një periudhë zije prej nëntë ditësh, përpara se të nisë procesi i zgjedhjes së Papës së ri.

Konklava pritet të zhvillohet midis datave 5 dhe 10 maj, në përputhje me rregullat e Kishës Katolike.

Kardinalët do të mblidhen në fshehtësi në Kapelën Sistine për të votuar për Papën e ardhshëm, i cili do të përcaktojë drejtimin e ardhshëm të Kishës, nëse do të vazhdojë reformat progresive të Papa Françeskut apo do të rikthehet tek një linjë më konservatore.

/rtsh.al/

kapela sistine

Papa

vatikani

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.