Vazhdojnë “firot” tek Elbasani, largohet pas dy sezonesh edhe mesfushori Kristi Qose

Abissnet Superiore | 5 muaj më parë

Kristi Qose i ka dhënë lamtumirën Elbasanit. Mesfushori 31-vjeçar, nëpërmjet një postimi në rrjetet sociale, ka njoftuar largimin nga skuadra verdheblu, që po riorganizohet më shpejt këtë verë, pasi merr pjesë në Kupat e Europës.

Qose luajti 21 ndeshje kampionatin e fundit në radhët e Elbasanit, duke munguar për shumë javë për shkak dëmtimi. Ai largohet pas dy sezonesh me verdheblutë, ndërkohë që pjesën më të madhe të karrierës e ka kaluar jashtë Shqipërisë.

Ditët e fundit nga skuadra e trajnerit Ivan Gvozdenoviç ka pasur disa largime me peshë, si portieri Janaçek, Loukili dhe Manellari. Në anën tjetër janë afruar Tresa, Nikaj, Hebaj dhe Lukoki.

Elbasani

largimi

Qose

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.