VIDEO/ Vijojnë rrëshqitjet masive të malit në fshatin Matogjin dhe Bashaj, banorët e izoluar totalisht

Aktualitet | 10 muaj më parë

Situata e motit të keq në zonën e Lum Vlorës vijon të jetë problematike në fshatrat Matogjin dhe Bashaj. Edhe gjatë orëve të natës rrëshqitja e tokës dhe faqes së malit ka vijuar. Më herët një masiv i tërë shkëmbor është shkëputur nga mali, duke marrë me vete dhe zhdukur plotësisht trasenë e rrugës në aksin Matogjin-Bashaj.

Shkarja e tokës ka vijuar duke dëmtuar më shumë tokë dhe shembur rrugët ekzistuese. Pasojat janë kritike për banorët e zonës, ku dhjetëra familje kanë mbetur të izoluara totalisht, pa mundësi për të komunikuar ose për të lëvizur drejt qendrave urbane.

Ky fenomen i ndodhur për shkak të reshjeve të dendura të shiut që kanw përfshirë zonën, ka bllokuar plotësisht qarkullimin dhe e bën të pamundur ndërhyrjen e menjëhershme të mjeteve të emergjencës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.