Vllaznia, fitore për vendin e parë

Abissnet Superiore | 1 vit më parë

Vllaznia ka arritur një fitore të rëndësishme në këtë javë të 6-të të “Abissnet Superiore”, 1-0 përballë Elbasanit me golin e shënuar nga Yago në minutën e 41-të.

Një ndeshje me ritëm të kënaqshëm ajo e luajtur në “Loro Boriçi”, me kuqeblutë që dominuan në lojë, sidomos në pjesën e parë, duke krijuar shumë raste për shënim, u godit dhe dy herë shtylla.

Goli mbërriti në minutën e 41-të, me Yago që finalizoi një aksion të gjatë të kuqebluve. Në pjesën e dytë Elbasani u paraqit ndryshe, më kërkues, por pa arritur ë mposhtë mbrojtjen vendase.

Shkodranët arritën të administrojnë lojën, me një ritëm larg atij të pjesës së parë dhe të festojnë për fitoren 1-0 që u jep vendin e parë në klasifikim.

Vllaznia ngjitet në vend të parë me 13 pikë, ndjekur nga Elbasani me 11 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.