“Vlora Half Marathon 2025”, rreth 400 pjesëmarrës nga Shqipëria dhe bota vrapuan në qytetin bregdetar

Aktualitet | 11 muaj më parë

Vlora mirëpriti këtë fund-nëntori edicionin e 5-të të Vlora Half Marathon, një ngjarje tashmë e kthyer në traditë për qytetin dhe pjesë e axhendës së aktiviteteve festive për Ditën e Pavarësisë. Në garë morën pjesë rreth 400 vrapues nga Shqipëria, Kosova dhe vendet e tjera të botës.

Maratona përmbante tri etapa: 5 km, 10 km dhe 21 km, duke prekur të gjitha akset rrugore të qytetit të Vlorës. Fitues i garës më të vështirë, 21 km, u shpall ukrainasi Bogdan Simonovic, i cili shprehu kënaqësinë për fitoren, ndërsa pjesëmarrësit e tjerë u shprehën të kënaqur për mundësinë për të marrë pjesë.

Kryetarja e Bashkisë Vlorë, Brunilda Mersini, dhe presidenti i KOKSh, Fidel Ylli, përgëzuan organizatorët dhe pjesëmarrësit, duke vlerësuar rëndësinë e këtij aktiviteti që vendos Vlorën si destinacion të rëndësishëm për ngjarje sportive.

/rtsh.al/

maratona

vlora

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.