Volejboll meshkuj/ Partizani dominon Skënderbeun, fiton finalen e parë të titullit

Sport | 6 muaj më parë

Është luajtur ditën e sotme në Pallatin e Sportit në Farkë ndeshja e parë e serisë së finaleve në volejboll për meshkuj mes Partizanit dhe Skënderbeut.

“Të kuqtë” kanë dominuar këtë përballje të parë, duke fituar ndeshjen me rezultatin 3-1. Seti i parë ka qenë i luftuar, por është fituar nga Partizani me rezultatin 25-20. Korçarët reagojnë dhe fitojnë setin e dytë me rezultatin 25-23.

Partizani dominon setin e tretë të cilin e fiton me rezultatin 25-12. E njëjta histori edhe në setin e katërt që fitohet 25-16 nga kryeqytetasit, që fitojnë të gjithë takimin me rezultatin 3-1.

Finalja e dytë do të luhet në 25 prill në orën 18:00 në Korçë.

partizani

Skënderbeu

Volejboll meshkuj

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.