Vora ka arritur të rrëmbejë tri pikë në Rrogozhinë, në javën e 33-të të “Abissnet Superiore” duke mposhtu Egnatian me rezultatin 2-0 në një ndeshje që erdhi për shikuesit në ekranin e RTSH Sport.

Sfida mori një drejtim të caktuar që në minutat e para, portieri i rrogozhinasve, Tandilashvili bëri një dhuratë për vorakët, me Kasallën që e dërgoi topin në rrjetë.

Pa u mbushur gjysmë ore lojë, VAR akordoi një 11-metërsh për Vorën me Kasallën që u tregua i saktë nga pika e bardhë duke dyfishuar shifrat. Egnatia provoi të reagonte, krijoi disa mundësi shënimi, por pa sukses.

Mbyllet me fitoren 2-0 të Vorës, që ngjitet në kuotën e 35 pikëve, duke e bërë luftën për mbijetesë mjaft të ndezur. Humbja e tretë radhazi për rrogozhinasit përballë skuadrave që luftojnë për mbijetesë: pas Tiranës dhe Flamurtarit, tani dorëzohet dhe përballë vorakëve.