Dinamo Siti e ka humbur 2-1 ndeshjen e parë të vlefshme për raundin e tretë kualifikues të Ligës së Konferencës. Por gjithsesi, sulmuesi kosovar, Baton Zabërgja beson në kualifikimin e ekipit të tij. Gjithnjë nëse lojtarët e skuadrës së tij do të tregohen më të saktë përpara portës, pasi sipas tij, rastet bëjnë diferencën kur luan përballë një klubi të madh si Hajduku.

“Në ndeshje të tilla nëse nuk shënon e pëson. Duhet të jemi të aftë që të shndërrojmë në gol rastet që na paraqiten pasi vetëm kështu mund të kualifikohemi”, tha Zabërgja.  

Sulmuesi 24-vjeçar nga Vushtrria, i ka ndeshjet e fundit që luan me Dinamon, pasi ai tashmë ka nënshkruar me Metalist dhe do të luajë në kampionatin ukrainas. Dinamo Siti po zhvillohen stërvitjet e fundit në Tiranë, përpara sfidës me hajdukun e Splitit. Zabërgja nënvizon se gjendja në skuadër është e mirë dhe të gjithë lojtarët po stërviten maksimalisht për të dhënë më të mirën në ndeshjen e së entjes.