Presidenti ukrainas Volodymir Zelensky i ka paraqitur parlamentit ukrainas projektligje për zgjatjen e gjendjes së jashtëzakonshme dhe mobilizimit në Ukrainë për 90 ditë nga 9 maji, sipas dokumenteve të publikuara në faqen e internetit të parlamentit.

Autoritetet ukrainase kanë ndaluar mbajtjen e zgjedhjeve gjatë gjendjes së jashtëzakonshme. Siç pritej, Parlamenti ukrainas së shpejti do t’i shqyrtojë këto projektligje, dhe kryetari i parlamentit Ruslan Stefanchuk ka thënë tashmë se do të miratohet.

Sipas ligjvënësit Yaroslav Zheleznyak, gjendja e jashtëzakonshme dhe mobilizimi do të zgjaten deri më 6 gusht.

Në javët e fundit, mediat ukrainase kanë shprehur vazhdimisht supozimin se gjendja e jashtëzakonshme dhe mobilizimi i përgjithshëm nuk do të zgjaten në sfondin e bisedimeve për zgjidhjen e konfliktit me Shtetet e Bashkuara teksa janë përmendur disa data për zgjedhje të mundshme presidenciale dhe parlamentare, përfshirë këtë verë.

/rtsh.al/