Zjarri në kodrat e Vlorës, flakët afrohen pranë banesave

Aktualitet | 4 muaj më parë

Një zjarr i përmasave të konsiderueshme ka përfshirë periferinë e qytetit të Vlorës, ndërsa temperaturat e larta dhe era e fortë po favorizojnë përhapjen e shpejtë të flakëve.

Vatra e zjarrit është afruar pranë zonave të banuara, duke rritur rrezikun për banesat.

Forcat zjarrfikëse ndodhen në terren dhe po punojnë për izolimin dhe shuarjen e flakëve. Megjithatë, ndërhyrja po has vështirësi për shkak të terrenit të thyer, i cili nuk lejon futjen e mjeteve zjarrfikëse në afërsi të vatrës.

Për këtë arsye, efektivët po përdorin mjete rrethanore për të vënë nën kontroll zjarrin dhe për të parandaluar përhapjen e tij drejt banesave.

Deri më tani nuk raportohen persona të lënduar apo dëme në banesa, ndërsa operacioni për shuarjen e flakëve vijon.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.