Zyrtare: Edlir Tetova, trajneri i ri i Teutës

Abissnet Superiore | 5 muaj më parë

Tani nuk ka më dyshime: Edlir Tetova është zyrtarisht trajneri i ri i Teutës.

“Klubi i Futbollit Teuta ka kënaqësinë të prezantojë zyrtarisht z. Edlir Tetova në krye të pankinës sonë. Një rikthim aty ku nisi gjithçka, i gatshëm për të udhëhequr skuadrën drejt objektivave dhe sukseseve të reja”, shkruhet në njoftimin e klubit durrsak.

Video e prezantimit mbyllet me fjalët e Tetovës: “U riktheva aty ku hodha hapat e parë për futbollin. Bashkë për gjithçka”.

Tetova fitoi gjithçka me Egnatian (2 kampionate, 2 Kupa dhe 1 Superkupë Shqipërie), por u largua nga rrogozhinasit pa përfunduar ky sezon.

Ashtu siç kishte paralajmëruar RTSH Sport, tekniku zgjodhi që të vazhdojë karrierën e tij si trajner në krye të Teutës, skuadër me të cilën ka nisur karrierën e tij si futbollist.

tetova

teuta

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.