Endrick largohet nga Real Madridi dhe i bashkohet Lyonit. Braziliani vjen në huazim dhe do të qëndrojë deri në fund të sezonit. Pasi mbërriti në Madrid në korrik 2024, pas një viti e gjysmë, fillimisht nën drejtimin e Ancelottit dhe tani nën drejtimin e Xabi Alonso, lojtari i lindur në vitin 2006 nuk ka arritur të tregojë cilësinë që  kishte bindur “Los Blancos” për ta marrë nga Palmeiras. Tani vjen mundësia për të kaluar më shumë kohë në fushë me ekipin e Fonsecas.

Deklarata e klubit: “Në moshën vetëm 19 vjeç, Endrick i bashkohet OL me përvojë të fortë në nivelin më të lartë dhe një pjekuri të zhvilluar në mjedise sportive kërkuese. Profili i tij ofensiv, ndikimi i tij në fusha kyçe dhe energjia e tij janë asete të rëndësishme për të mbështetur ekipin në gjysmën e dytë të sezonit, i cili karakterizohet nga objektiva të shumtë për t’u arritur”.

“Lyon është i kënaqur të mirëpresë Endrick, i cili do të jetë i pranishëm nga 29 dhjetori për fillimin e kampit stërvitor parasezonal me ekipin e parë, dhe falënderon Real Madridin për cilësinë e negociatave dhe bashkëpunimin që e bëri të mundur ardhjen e tij”.