Petkoviq takon ambasadoren e Suedisë: Serbëve në veri të Kosovës po u bëhet terror

Kosovë | 2 vite më parë

Drejtori i Zyrës për Kosovë Petar Petkoviq, ka takuar sot ambasadoren e Suedisë në Serbi, Charlotte Samelin, me të cilën ka biseduar për situatën aktuale politike dhe të sigurisë në Kosovë, duke iu referuar posaçërisht lëvizjeve të fundit të konsideruara prej tij si të dhunshme të Prishtinës, për mbylljen e institucioneve serbe, qendrave për punë sociale dhe zyrave postare.

Petkoviq theksoi se ky është terror dhe dhunë ndaj serbëve në veri të Kosovës, e cila dita-ditës konfirmon aspiratat e kryeministrit Albin Kurti, për dëbimin e popullit serb dhe krijimin e një Kosove etnike.

Ai deklaroi se që nga fillimi i qershorit të vitit të kaluar, kur BE-ja kërkoi qartë deeskalimin e situatës dhe tërheqjen e Policisë së Kosovës nga veriu, Prishtina tregon hapur se nuk është e interesuar për qetësimin e tensioneve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.