Plejmuthi shkarkon Uejn Runin

Angli | 2 vite më parë

Viti që po mbyllet ka qenë katastrofik për Uejn Runin. Ish-sulmuesi i Juanjtid është shkarkuar për herë të dytë nga detyra e trajnerit. Në janarin e këtij viti ai u shkarkua nga Birmingemi ndërsa sot Playmuth lajmëroi ndërprerjen konsensuale të kontratës me 39-vjeçarin.

Në aventurën e dytë Runi ka lënë pas numra me të vërtetë të frikshëm pasi ka mundur të fitojë me Plejmuthin vetëm 4 takime prej 23 ndeshjeve zyrtare ndërsa ekipi i tij ka pësuar më shumë gola se të gjithë të tjerët në Championship.

Në njoftimin e klubit mësohet se bashku me Runin janë larguar edhe dy ndihmësit e tij, Majk Filan dhe Sajmon Irland.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.