Boksieri ukrainas Oleksandr Usyk do të përballet me britanikun Dereck Chisora më 31 tetor të këtij viti. Lajmin e konfirmoi Eddie Hearn, menaxheri dhe promotori i njohur i boksit, që tha se palët kanë rënë parimisht dakord për këtë datë, që pritet të zyrtarizohet në vijim.

Kjo sfidë pritet të zhvillohet pa praninë e tifozëve. Usyk është ish-kampion bote në peshën “light heavyweight” (pesha deri 94kg), Divizion ku ishte i pamposhtur, por tashmë tani duelon në peshën e rëndë.

“Kemi biseduar me menaxherin e Usyk dhe ata më thanë se janë gati. Të gjithë jemi gati për këtë duel ndaj Dereck, që pritet vetëm të finalizohet. Nuk ia vlen të presim deri në vitin 2021 për të patur tifozët. Kemi qarkuar datën 31 tetor”, tha Hearn.

Pritet që Usyk ta fitojë këtë sfidë, pasi është favorit dhe më pas të mandatohet nga WBO për t’u përballur me Anthony Joshua, për titullin kampion të këtij Divizioni.