Kryeministri izraelit Benjamin Netanyahu ka udhëtuar sot për në Uashington, D.C., ku do të takohet me Presidentin Donald Trump.

Takimi që do të mbahet ditën e hënë do të përqendrohet te tarifat prej 17% që Shtetet e Bashkuara vendosën ndaj Izraelit duke krijuar përplasje ndërkohë Izraeli kishte eliminuar tarifat për mallrat e ShBA-së.

Të dy udhëheqësit do të diskutojnë të ardhmen e luftës së Izraelit kundër Hamasit në Gazë, që ishte në qendër të takimit të tyre të mëparshëm në muajin shkurt.

Në një deklaratë të mëparshme të Netanyahut u tha se të dy do të diskutonin edhe për Iranin, të cilin Trump e kërcënoi dhe ftoi në negociata mbi programin e tij bërthamor.

Netanyahu e portretizoi vizitën e Shtëpisë së Bardhë si një demonstrim të marrëdhënies së tij të ngushtë personale me Trump.

Izraelitët kanë filluar të përgatitetn për vitin zgjedhor të 2026-s, dhe fushatat e fundit të kryeministrit janë përqendruar në atë që ai pretendon se është aftësia e tij e pakrahasueshme diplomatike.

“Mund t’ju them se jam udhëheqësi i parë ndërkombëtar, udhëheqësi i parë i huaj, i cili do të takohet me Presidentin Trump për këtë çështje, e cila është aq e rëndësishme për ekonominë izraelite. Ka një linjë të gjatë udhëheqësish që duan ta bëjnë këtë në lidhje me ekonomitë e tyre. Mendoj se kjo pasqyron lidhjen e veçantë personale, si dhe lidhjet speciale midis SH.B.A. dhe Izraelit, e cila është kaq jetike në këtë kohë”, u shpreh Netanyahu.

/rtsh.al/