Plagoset me armë zjarri një grua në Fier, në kërkim babë e bir

Aktualitet | 2 vite më parë

Një ngjarje e rëndë ka ndodhur në Fier, ku një grua është plagosur me armë zjarri në zonën e quajtur “Mbikalimi i Dërmënasit”. Ngjarja ka ndodhur rreth orës 14:00, ndërsa autorët e dyshuar janë shpallur në kërkim nga policia. Ata janë babë e bir, A. C., 66 vjeç dhe A. C., 23 vjeç, banues në Dërmënas.

Grupi hetimor ka nisur punën për zbardhjen e rrethanave të ngjarjes dhe për grumbullimin e provave. Pas plagosjes, policia ka ngritur pika kontrolli në hyrjet dhe daljet e qytetit të Fierit dhe në akset “Fier-Vlorë” dhe “Fier-Lushnjë”, duke u përpjekur të lokalizojnë dhe kapin autorët.

Shtetasja S. M. ka mbetur e plagosur, ndërsa policia vijon hetimet për zbardhjen e plotë të ngjarjes. Aktualisht, autorët janë ende në arrati dhe kërkohen nga autoritetet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.