NBA play-off/ Clippers mundin Nuggets, Leonard me 39 pikë eklipson Jokiç

Basketboll | 2 vite më parë

Dueli mes Nuggets dhe Clippers ka përfunduar me fitoren e miqve dhe ashtu si në takimin e parë ishte një duel i luftuar. Kësaj here fundi i ndeshjes i buzëqeshi ekipit nga Los Anxhelosi, i cili triumfoi me shifrat 105-102.

Për Clippers nuk duhet shumë për të evidentuar lojtarin e ndeshjes pasi Kawhi Leonard kthehet në Kaliforni me 39 pikë të shënuara. Lojtari i Clippers u duk edhe një herë në formën e tij më të mirë dhe arriti që të bënte diferencën edhe në mbrojtje kur në sekondat e fundit fitoi edhe një top, i cili vlente shumë për një ndeshje si kjo.

Ylli i Clippers eklipsoi kështu yje si Nikola Jokiç (26 pikë, 12 topa në tabelë dhe 10 asist) dhe Xhamal Mërri (23 pikë dhe 6 asist). Takimi i radhës do të luhet pas dy ditësh me serinë (1-1) e cila do të spostohet në Kaliforni.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.