Presidentja Osmani takohet me Donald dhe Melania Trump në Vatikan para funeralit të Papa Françeskut

Kosovë | 2 vite më parë

Presidentja e Republikës së Kosovës, Vjosa Osmani, është takuar sot me Presidentin e Shteteve të Bashkuara, Donald Trump, dhe Zonjën e Parë, Melania Trump, në Bazilikën “Shën Pjetri” në Vatikan, pak para fillimit të ceremonisë mortore të Papa Françeskut.

Takimi i shkurtër u zhvillua në ambientet e Vatikanit, ku liderë nga e gjithë bota janë mbledhur për të nderuar Atin e Shenjtë, i cili u nda nga jeta më 21 prill, në moshën 88-vjeçare. Sipas Zyrës për Informim të Presidencës së Kosovës, Osmani pati një bisedë miqësore me çiftin presidencial amerikan, para nisjes së ceremonisë.

Papa Françesku, i njohur për thjeshtësinë, përkushtimin ndaj të varfërve dhe thirrjet e vazhdueshme për paqe, do të prehet në Bazilikën e Santa Maria Maggiore në Romë, jashtë Vatikanit.

/rtsh.al/

donald trump

funeral

Papa Françesku

vatikan

vjosa osmani

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.