Një aksident i rëndë rrugor është regjistruar orët e para të mëngjesit të sotëm (1 maj) në Maliq.

Sipas informacioneve paraprake, bëhet me dije se në aksin rrugor “Pogradec-Korçë”, një automjet ka përplasur një këmbësore, e cila si pasojë e plagëve të marra ka ndërruar jetë në vendngjarje.

Drejtuesi i automjetit është shoqëruar në komisariat, ndërsa po punohet për përcaktimin e rrethanave dhe shkakun e aksidentit.

“Në orët e para të mëngjesit, në aksin rrugor “Pogradec-Korçë”, automjeti me drejtues shtetasin D. Xh., ka përplasur shtetasen E. M., 43 vjeçe, këmbësore, e cila si pasojë e përplasjes ka ndërruar jetë në vendngjarje.

Drejtuesi i automjetit shtetasi D. Xh., është shoqëruar në ambientet e Komisariat për veprime të mëtejshme.

Grupi hetimor nën drejtimin e Prokurorisë, po punon për përcaktimin e rrethanave dhe shkakut të aksidentit”, thuhet në njoftim.

/rtsh.al/