Policia e Kosovës dhe KFOR zhvillojnë trajnim të përbashkët

Kosovë | 1 vit më parë

Policia e Kosovës dhe KFOR ka zhvilluar një trajnim të përbashkët. Trajnimi është zhvilluar në Bazën e Njësive Speciale “Vrella”, ndërmjet Njësisë për Trajtimin e Mjeteve Eksploduese të Policisë së Kosovës (NJTME) dhe KFOR US EOD.

Policia e Kosovës ka bërë të ditur se trajnimi ka përfshirë temat: “Ndërhyrja në pakot e dyshuara për bombë”;“Hapja e veturës së dyshuar për bombë”.

Ky aktivitet është zhvilluar me qëllim të rritjes së kapaciteteve profesionale në identifikimin dhe çaktivizimin e mjeteve të improvizuara shpërthyese (IED).

“Ky bashkëpunim operacional ndihmon në forcimin e aftësive të përbashkëta, shkëmbimin e përvojave praktike dhe ngritjen e gatishmërisë për përballje me sfida të përbashkëta në fushën e sigurisë publike”, theksohet në njoftim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.