Shtohen rastet me variçelë te fëmijët, mjeku: Nuk ka mjekim specifik, zgjat deri në dy javë

Sociale | 1 vit më parë

Kohët e fundit, mjekët në spitalin e Bashkisë Has kanë hasur raste të variçelës tek moshat e vogla. Sipas mjekut pediatër, Seit Jaku, fëmijët që shfaqin këtë problem shëndetësor nuk janë të paktë.

Jaku thotë se nuk ka një mjekim specifik për variçelën.

“Ditët e fundit kemi pasur disa raste. Mjekim specifik nuk ka, por duhet treguar kujdes. Fëmijët duhet të largohen nga grumbullimet, siç janë kopshtet apo shkollat, pasi është shumë ngjitëse,” tha mjeku.

Simptomat që tregojnë kur një fëmijë është i prekur nga variçela janë disa, por më e dukshmja është shfaqja e puçrrave në trup.

“Shoqërohet me temperaturë dhe me shfaqjen e puçrrave në fytyrë“, tha mjeku.

Nëse variçela prek fëmijët në moshë të vogël, zakonisht kalohet më lehtë, sipas specialistëve, por prindërit duhet të tregohen të kujdesshëm.

Gazetare: Matilda Dokle

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.