Të dhënat më të fundit të INSTAT, të publikuara të hënën, tregojnë se tregtia me pakicë në Shqipëri ka shënuar një rritje të ndjeshme në tremujorin e dytë të vitit 2025.

Indeksi i volumit të shitjeve arriti në 117,1, duke shënuar një rritje prej 6,2% krahasuar me të njëjtin periudhë të vitit 2024. Ky tregues, i përshtatur sezonalisht, është rritur gjithashtu me 1,2% krahasuar me tremujorin paraprak.

Tregtia me pakicë (pa përfshirë hidrokarburet), dëshmon se volumi i shitjeve në këtë kategori është rritur me 4,9% krahasuar me tremujorin e dytë të vitit 2024.

Lidhur me tregtinë me pakicë të hidrokarbure, kjo kategori ka shënuar një rritje më të lartë, prej 10,1%, krahasuar me të njëjtin tremujor të vitit 2024.

Ndikimi i grupeve në rritjen vjetore

Sipas raportit të INSTAT, në rritjen e përgjithshme prej +6,2% të tregtisë me pakicë (krahasuar me tremujorin e dytë të vitit 2024), kontributet nga grupet kryesore ishin si më poshtë:

Artikuj jo-ushqimorë: +2,2 pikë përqindje.

Ushqime, pije dhe duhan: +1,5 pikë përqindje.

Tregti me pakicë hidrokarbure: +2,5 pikë përqindje.

Ndryshimet Tremujore (të Përshtatura Sezonalisht)

Në tregtinë me pakicë (pa hidrokarburet), volumi i shitjeve u rrit me 1,1% krahasuar me tremujorin paraardhës.

Në tregtinë me pakicë hidrokarbure, volumi i shitjeve u rrit me 1,9% krahasuar me tremujorin e mëparshëm.

Metodologjia

Të dhënat janë mbledhur nga INSTAT dhe bazohen në Rregulloren Evropiane për Statistikat e Biznesit. Vrojtimi mbulon ndërmarrjet e tregtisë me pakicë dhe përdor si burim informacioni administrativ dhe intervista të drejtpërdrejta.

Këto të dhëna tregojnë një trend pozitiv për sektorin e tregtisë me pakicë në Shqipëri, me një kontribut të fortë sidomos nga shitjet e hidrokarbureve dhe artikujve jo-ushqimorë.

/rtsh.al/