Guvernatori i Bankës së Shqipërisë, Gent Sejko, dhe ministri i Financave, Petrit Malaj, zhvilluan një takim me Drejtorin Ekzekutiv për Shqipërinë në Fondin Monetar Ndërkombëtar (FMN), Riccardo Ercoli, në kuadër të Mbledhjeve Vjetore të FMN-së dhe BB-së 2025.

Në qendër të bisedimeve ishin zhvillimet më të fundit në ekonominë globale dhe ajo shqiptare.

Sipas njoftimit për shtyp të Bankës së Shqipërisë, gjatë takimit, Guvernatori Sejko theksoi ecurinë pozitive të ekonomisë shqiptare, e cila, sipas tij, ka arritur të ruajë ritme të qëndrueshme të rritjes dhe një nivel të ulët të inflacionit, pavarësisht sfidave ndërkombëtare.

Nga ana e tij, Drejtori Ekzekutiv i FMN-së, Riccardo Ercoli, shprehu vlerësimin e institucionit për reformat e ndërmarra nga Banka e Shqipërisë, veçanërisht në drejtim të:

• Forcimit të stabilitetit financiar.

• Ruajtjes së stabilitetit të çmimeve në vend.

• Rëndësia e Bashkëpunimit

Palët theksuan rëndësinë e vazhdimit të bashkëpunimit ndërinstitucional dhe të asistencës teknike nga FMN, në mbështetje të zhvillimeve të ardhshme ekonomike të Shqipërisë.

Mbledhjet Vjetore të FMN-së dhe BB-së në Uashington shërbejnë si një forum i nivelit të lartë ku vendimmarrësit kryesorë ndërkombëtarë, së bashku me ministrat e financave dhe guvernatorët e bankave qendrore, diskutojnë tendencat e ekonomisë botërore.

/rtsh.al/