Një aksident ka ndodhur në aksin rrugor Lushnjë–Berat, në afërsi të fshatit Barbullinjë, ku një kamion i tonazhit të rëndë, i ngarkuar me çakull, ka dalë nga rruga dhe është përmbysur në një kanal kullues.

Sipas të dhënave paraprake, mjeti ka humbur kontrollin në dalje të një kthese, dyshohet si pasojë e shpërthimit të gomës së përparme gjatë lëvizjes. Për pasojë, drejtuesi i kamionit ka humbur kontrollin dhe mjeti është përmbysur në anën tjetër të rrugës.

Menjëherë pas ngjarjes, në vendngjarje kanë mbërritur forcat zjarrfikëse të Lushnjës, të cilat kanë bërë të mundur nxjerrjen e shoferit nga kabina, ku kishte mbetur i bllokuar. Ai është transportuar me urgjencë në spitalin e Lushnjës, ku po merr trajtimin e nevojshëm mjekësor. Burime spitalore bëjnë me dije se drejtuesi ka marrë plagë të rënda, por në momentin e nxjerrjes ka qenë i vetëdijshëm.

/rtsh.al/