Toma thërret, Mala përgjigjet: Partizani barazon me Vllazninë

Abissnet Superiore | 11 muaj më parë

Partizani ka barazuar 1-1 me Vllazninë në ndeshjen e javës së 12-të, të luajtur në “Arena e Demave”, që erdhi për shikuesit në ekranin e RTSH1.

Një ndeshje me ritëm, me të kuqtë që krijuan disa mundësi shënimi në pjesën e parë dhe arritën të dërgojnë topin në rrjetë në fund me anë të sulmuesit Toma.

Në pjesën e dytë ndeshja ishte akoma më e hapur dhe rastet nuk munguan për të dyja skuadrat. Kuqeblutë arritën të vendosin barazpeshën me anë të Malës në minutën e 59-të, ndërsa të kuqtë humbën mundësi të pastra shënimi.

Rezultati 1-1 mbeti në fuqi deri në sinjalizimin e fundit të gjyqtarit, me Vllazninë që mbetet në vendin e parë me 24 pikë(ndjekur nga Elbasani po me 24 pikë), ndërsa Partizani në vendin e 7-të me 13 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.