Drejtonte makinën në gjendje të dehur dhe përplasi motomjetin e policisë, arrestohet 33-vjeçari

Aktualitet | 11 muaj më parë

Një 33-vjeçar është arrestuar nga policia e Durrësit pas aksidentit në aksin rrugor Plepa-Shkozet, ku ndërsa drejtonte automjetin në gjendje të dehur, ka përplasur motomjetin e policisë ku ndodheshin dy punonjës të Policisë Rrugore në shërbim.

Nga aksidenti fatmirësisht nuk pati të plagosur por vetë dëme materiale.

“Specialistët e Qarkullimit Rrugor arrestuan në flagrancë shtetasin Xh. I., 33 vjeç, banues në Durrës.

Arrestimi i tij u bë pasi në aksin rrugor Plepa–Shkozet, automjeti që drejtonte në gjendje të dehur është përplasur me motomjetin e Policisë, në të cilin ndodheshin dy punonjës të Policisë Rrugore që ishin në shërbim. Nga aksidenti pati vetëm dëme materiale”, thuhet në njoftim.

Materialet procedurale iu referuan Prokurorisë së Durrësit, për veprime të mëtejshme.

aksident

arrestohet

durres

perplas

policia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.