Pas largimit të Arsim Thaqit, Prishtina ka zyrtarizuar sot trajnerin e ri. Ai është Afrim Tovërlani, i cili deri tani ka qenë në krye të Kosovës U-21. Bëhet fjalë për një rikthim pas 11 vitesh në stolin e Prishtinës nga Tovërlani.

Prishtina mban vendin e parë në renditje, por pas 3 rezultateve negative të ndeshjeve vendosi të bëjë lëvizje në stol, duke ndarë rrugët me Thaqin për ta zëvendësuar me Tovërlanin.

Në të kaluarën Afrim Tovërlani e ka drejtuar skuadrën kryeqytetase dy herë, në periudhat 2007–2009 dhe 2012–2014. Ai ka pasur sukses me Prishtinën, duke fituar 7 trofe, titullin kampion në Kosovë, Kupën e Kosovës dhe Superkupën e Kosovës.

Tovërlani ka një lidhje të fortë me Prishtinën, pasi ka qenë edhe si futbollist i saj. Trajneri ka nisur menjëherë punën në terren, duke e përgatitur skuadrën për ndeshjen e radhës në kampionat. Prishtina është kandidate serioze për fitimin e titullit kampion në Kosovë.