Aksident tragjik në aksin Tapizë-Fushë Krujë, 19-vjeçari përplas për vdekje këmbësorin

Aktualitet | 11 muaj më parë

Një aksident me pasojë vdekjen ka ndodhur mbrëmjen e sotme në aksin rrugor Tapizë-Fushë Krujë. Policia bën me dije se rreth orës 18:45, një automjet ka përplasur një këmbësor, i cili nuk ka mundur t’u mbijetojë plagëve të marra.

Sipas informacioneve paraprake, mjeti drejtohej nga shtetasi me iniciale K. M., 19 vjeç. Si pasojë e përplasjes ka humbur jetën shtetasi N. Z., rreth 62 vjeç.

Menjëherë pas ngjarjes, shërbimet e policisë kanë mbërritur në vendin e aksidentit dhe kanë shoqëruar drejtuesin e mjetit në Komisariat për kryerjen e veprimeve të mëtejshme procedurale.

Grupi hetimor ndodhet në vendngjarje dhe po punon për zbardhjen e plotë të rrethanave dhe shkaqeve që çuan në këtë aksident fatal.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.