Trajneri i Elbasanit, Ivan Gvozdenoviç, ka folur për mediat në prag të sfidës së nesërme kundër Bylisit, që do të transmetohet drejtpërdrejt në RTSH 2 në orën 13:30. Ndonëse luan në transfertë përballë një kundërshtari të vështirë, tekniku kërkon tre pikët në këtë takim.

“Është një ndeshje e vështirë. Çdo javë e kampionatit është e vështirë, pasi nuk ka diferenca nëse luan në shtëpi apo jashtë. Kemi shumë respekt për ekipin e Bylisit. Ndeshjen e fundit ata treguan se kanë cilësi dhe karakter, pasi zhvilluan një lojë shumë të mirë kundër Vllaznisë. Ne jemi gati dhe si në çdo takim do të japim maksimumin dhe do të synojmë tre pikët. Çdo fitore ka vlerën e tre pikëve, si 1-0 edhe 3-0, dhe ne jemi të fokusuar tek pikët.

Merkato? Aktualisht jemi të fokusuar vetëm për ndeshjen kundër Bylisit, për merkaton do të flasim pas datës 24 dhjetor kur të mbyllet faza e parë e kampionatit”, ka thënë mes të tjerash trajneri i Elbasanit, Ivan Gvozdenoviç.