Akuzohen për vrasje në 2018 në Dibër, në pranga dy vëllezërit

Aktualitet | 10 muaj më parë

Dy vëllezër janë arrestuar, pasi akuzohen si të përfshirë në një vrasje të ndodhur në vitin 2018 në qarkun Dibër. Gjatë operacionit të koduar “Twins”, u arrestuan Kelmend Krusa dhe Klodian Krusa, 39 vjeç, të cilët strehoheshin në Gjirokastër.

Gjatë kontrollit të banesave të tyre, policia sekuestroi 3 armë zjarri (2 kallashnikovë dhe 1 pushkë), 1 armë e ftohtë (thikë), 3 krehra dhe municion luftarak, 1 maskë dhe 3 aparate celularë.

Armët do t’i nënshtrohen ekzaminimeve në Institutin e Policisë Shkencore për të verifikuar nëse janë përdorur në vrasjen e 2018-ës ose në ngjarje të tjera kriminale.

Materialet procedurale janë referuar Prokurorisë pranë Gjykatës së Shkallës së Parë Dibër për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.