Forcat Speciale zhvillojnë stërvitjen dimërore “Shigjeta Ilire-26” në kushte ekstreme të motit

Aktualitet | 9 muaj më parë

Efektivat e Batalionit të Forcave Speciale të Forcave të Armatosura po realizojnë stërvitjen dimërore 72-orëshe “Shigjeta Ilire-26” në terrene malore të mbuluara nga dëbora ❄️ dhe me temperatura nën zero.

Shefi i Shtabit të Përgjithshëm, Gjenerallejtnant Arben Kingji, deklaroi se kjo stërvitje synon forcimin e aftësive fizike dhe psikologjike të trupave në kushte mbijetese, testimin e armatimit dhe pajisjeve të reja, si dhe rritjen e gatishmërisë dhe qëndrueshmërisë operacionale për veprime në mjedise të vështira.

“Shigjeta Ilire-26” është konceptuar për të përgatitur trupat në përmbushjen e çdo misioni me profesionalizëm të lartë, duke garantuar gatishmërinë maksimale edhe në situata të paparashikueshme dhe të rrezikshme.

/rtsh.al/

forcat e armatosura

Shigjeta Ilire-26

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.