NATO ka reaguar ashpër ndaj shënjestrimit të Turqisë nga Irani, pasi autoritetet turke raportuan se një raketë balistike e lëshuar nga Teherani ishte interceptuar me sukses nga sistemet mbrojtëse të aleancës përpara se të hynte në hapësirën ajrore turke.

Zëdhënësja e NATO-s, Allison Hart, deklaroi për Reuters se aleanca qëndron fort krah të gjithë vendeve anëtare, duke përfshirë Turqinë, në përballje me sulmet e vazhdueshme rajonale të Iranit.

“Ne e dënojmë shënjestrimin e Turqisë nga Irani. NATO qëndron fort me të gjithë aleatët, ndërsa Irani vazhdon sulmet e tij pa dallim në rajon,” u shpreh Hart.

Ajo theksoi se qëndrimi i NATO-s për parandalim dhe mbrojtje mbetet i fortë në të gjitha fushat, duke nënvizuar veçanërisht aftësitë e aleancës në mbrojtjen ajrore dhe raketore.

Interceptimi i raketës balistike n

ga sistemet mbrojtëse të NATO-s në Turqi është parë si një demonstrim i qartë i kapaciteteve të aleancës për të mbrojtur hapësirën ajrore të vendeve anëtare dhe për të ruajtur stabilitetin rajonal.

/rtsh.al/