Ministrja e Shëndetësisë, Evis Sala, deklaroi se koncesioni i sterilizimit, pas 10 vitesh në duart e operatorëve privatë, tashmë ka kaluar te shteti dhe po funksionon shumë mirë. Pas mbledhjes së qeverisë, Sala sqaroi se tashmë prej 3 javësh, koncesioni i ka kaluar shtetit.

“Koncesioni i ka kaluar shtetit, ka 3 javë që i ka kaluar. U ngrit kapaciteti dhe po funksionon shumë mirë. Është ngritur shoqëria dhe po bëhet punë shumë e mirë, po monitorohet në mënyrë të vazhdueshme,” tha Sala .

Ministrja gjithashtu bëri me dije se brenda vitit 2027, planifikohet të rimbursohet trajtimi për personat e prekur nga diabeti tipi 1, një hap i rëndësishëm për mbështetjen e pacientëve kronikë në vend.

Sala theksoi rëndësinë e monitorimit të vazhdueshëm të koncesionit dhe përmirësimit të shërbimeve shëndetësore, duke garantuar që standardet të mbeten të larta dhe pacientët të përfitojnë trajtim cilësor.

/rtsh.al/