Ministria e Financave ka përmbyllur me sukses përgatitjen e paketës së akreditimit për Programin IPARD III, duke shënuar një hap të rëndësishëm drejt aksesimit të fondeve të Bashkimit Evropian.

Ky proces u realizua nën drejtimin e Zyrtarit Kombëtar Autorizues (ZKA), me mbështetjen e strukturave përkatëse dhe institucioneve përgjegjëse.

Dokumentacioni i përgatitur është i plotë dhe në përputhje me standardet e kërkuara nga Bashkimi Evropian.

Paketa përfshin kërkesën për besimin e detyrave të zbatimit buxhetor, si dhe prova të detajuara për përmbushjen e kritereve të Komisionit Evropian.

Dorëzimi i saj përbën një moment kyç në rrugën drejt çeljes së fondeve IPARD III gjatë vitit 2026.

Në vijim, procesi do të kalojë në fazën e vlerësimit nga shërbimet e Komisionit Evropian, përfshirë analizën e dokumentacionit dhe verifikime në terren.

Ministria e Financave mbetet e angazhuar për të siguruar përthithjen efektive të këtyre fondeve, në funksion të zhvillimit të bujqësisë dhe zonave rurale në vend.

/rtsh.al/