Një incident i rëndë ndodhi gjatë darkës së korrespondentëve të Shtëpisë së Bardhë në Washington Hilton, ku një person i armatosur arriti të kalojë pikën e kontrollit të sigurisë. Policia amerikane konfirmoi se i dyshuari kishte me vete disa armë, përfshirë një shotgun dhe një pistoletë, kur u përball me agjentët e Shërbimit Sekret.

Pamjet e mbikëqyrjes, të publikuara nga Presidenti Donald Trump, tregojnë momentin kur i dyshuari vrapon pranë detektorëve metalikë, ndërsa agjentët nxjerrin armët e tyre.

Gjithashtu në video tregohet edhe momenti i reagimit të shpejtë të forcave të sigurisë në evakuimin e presidentit Trump dhe bashkëshortes së tij, si dhe zv.presidentit sapo u dëgjuan të shtënat e para.

View this post on Instagram

A post shared by RadioTelevizioni Shqiptar (@rtshqiptar)

Gjatë arratisjes së autorit ka pasur shkëmbim zjarri, ku u qëllua një oficer i Shërbimit Sekret, i cili nuk pësoi dëme për shkak të jelekun antiplumb.

I dyshuari, mësues nga Kalifornia, ndodhet në paraburgim, ndërsa u transportua në spital edhe për një “vlerësim” të shëndetit mendor të tij.  

Autoritetet po vijojnë hetimet për të zbuluar motivet e sulmit.

/rtsh.al/