Zjarri në tregun e fruta-perimeve në Lushnjë, Policia: I qëllimshëm, shpallet në kërkim një nga autorët e dyshuar

Aktualitet | 5 muaj më parë

Zjarri në tregun e fruta-perimeve në Lushnjë rezulton të ketë qenë i qëllimshëm. Ngjarja, e ndodhur dy ditë më parë, fillimisht u dyshua si aksidentale, por sipas hetimeve dyshohet se autorë janë 2 persona.
Policia ka shpallur në kërkim një person me inicialet K.Ç, banues në Durrës si një prej autorëve të dyshuar, ndërsa personi tjetër nuk është identifikuar ende.
Sipas Policisë, nga këqyrja e pamjeve filmike rezulton se shtetasi K. Ç. shfaqet pranë tregut së bashku me personin tjetër, të cilët dyshohet se, në bashkëpunim me njëri-tjetrin, kanë ndezur zjarrin dhe më pas janë larguar nga vendngjarja.
Si pasojë e zjarrit u dëmtuan disa tezga dhe produkte në pronësi të disa tregtarëve.
Materialet procedurale iu referuan Prokurorisë, për veprime të mëtejshme.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.