Shpërthen lëndë plasëse pranë kantierit të ndërtimit në Kamzë, vetëm dëme materiale

Aktualitet | 5 muaj më parë

Një shpërthim është regjistruar gjatë natës në Kamëz, ku një sasi e vogël lëndë plasëse ka shpërthyer në pjesën e jashtme të rrethimit të një kantieri ndërtimi në bulevardin “Nënë Tereza”.

Ngjarja ka ndodhur rreth orës 03:40 dhe si pasojë janë shkaktuar vetëm dëme të lehta materiale, pa të lënduar.

Menjëherë në vendngjarje kanë mbërritur shërbimet e Policisë dhe grupi hetimor, të cilët kanë nisur veprimet për zbardhjen e rrethanave dhe identifikimin e autorëve të mundshëm.

Autoritetet po punojnë për dokumentimin e plotë ligjor të ngjarjes, ndërsa mbetet ende e paqartë motivi i shpërthimit dhe lloji i saktë i lëndës së përdorur.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.