Elbasani bën detyrën ndaj Dinamos, mbetet në garë për titull

Abissnet Superiore | 5 muaj më parë

Elbasani ka mposhtur Dinamon me rezultatin 3-0 në ndeshjen e javës së dytë të “Final Four”, që erdhi për shikuesit në ekranin e RTSH Sport.

Nuk kishte shumë histori në “Air Albania”, me Dinamon që u penalizua sapo u mbushën 20 minuta lojë, Gudiabi u ndëshkua me karton të kuq për një ndërhyrje të ashpër ndaj Manellarit.

Pas këtij momenti, Elbasani e kishte gjithçka të lehtë duke shënuar tri herë. Tsague realizon dopietë në harkun kohor të dy minutave(25’ dhe 27’), ndërsa Diallo mbylli të gjitha llogaritë në minutën e 38-të.

Pjesa e dytë ishte më tepër një administrim loje me të dyja skuadrat të pajtuara me rezultatin që dhuroi pjesa e parë.

Me këtë fitore Elbasani ngjitet në kuotën e 34 pikëve, aq sa Egnatia, duke lënë gjithçka të hapur për javën e fundit. Dinamo mbetet me 27 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.