Bie zjarr në sallën e rrjetit të Policisë së Tiranës. Shkaku, shkëndija elektrike

Aktualitet | 5 muaj më parë

Salla e rrjetit (network) të Drejtorisë Vendore të Policisë Tiranë dyshohet se ka shpërthyer në zjarr, si pasojë e një shkëndije elektrike.

Sipas njoftimit paraprak të policisë, bëhet e ditur se falë reagimit të shpejtë, zjarri u izolua dhe u fik brenda pak minutash.

Si pasojë e incidentit janë djegur vetëm disa kabllo elektrikë, ndërsa nuk ka persona të lënduar nga ky incident.

Ndërkaq, grupi hetimor i Policisë së Shtetit po punon për të sqaruar plotësisht rrethanat e rastit dhe për të përcaktuar shkakun zyrtar të zjarrit.

Njoftimi i policisë:

Rreth orës 18:10, dyshohet se si pasojë e një shkëndije elektrike, ka rënë zjarr në sallën e network-ut të DVP Tiranë.

Zjarri është izoluar dhe fikur në një kohë të shkurtër. Si pasojë janë djegur disa kabuj elektrikë.

Grupi hetimor po punon për sqarimin e rrethanave të rastit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.