Armando Brojës i del emri sërish në Itali, Burnley kërkon 12 milionë euro për sulmuesin kuqezi

Kombëtarja | 5 muaj më parë

Në pritje të zyrtarizimit, Lazio e Gennaro Gattuso-s ka filluar të marrë formë. Mes reparteve që duhet të përforcohen me siguri është edhe sulmi dhe klubi po monitoron merkaton për të gjetur emrin e duhur.

Sipas “La Repubblica”, sulmuesi i Kombëtares shqiptare, Armando Broja, është një nga të vëzhguarit specialë. Burnley ka rënë në Championship dhe sipas gazetës italiane Broja do të ndryshojë skuadër me shumë mundësi.

Klubi anglez kërkon 12 milionë euro, por bisedimet për kalimin e mundshëm të sulmuesit shqiptar te Lazio mund të mbyllen edhe me formulën e huazimit. Broja pëlqehet nga trajneri i ri i bardhekaltërve. Lazio ndjek gjithashtu edhe Sebastiano Esposito të Cagliari-t.

Broja është lakuar edhe sezonet e mëparshme për një transferim në Serinë A, ku të interesuar kanë qenë klube akoma më të mëdha, si Milani dhe Napoli.

broja

Itali

Lazio

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.