Klubet fërkojnë duart, 5 mijë dollarë në ditë nga FIFA për çdo lojtar në Kupën e Botës

Botërori 2026 | 5 muaj më parë

FIFA do të paguajë një shifër rekord për klubet që do të kenë lojtarët e tyre në Botërorin amerikan. Sipas programit FIFA Benefits, çdo klub do të marrë minimumi 5 mijë dollarë në ditë për çdo futbollist të grumbulluar me kombëtaren e vet gjatë këtij kompeticioni.

Kësaj shifre i shtohen edhe bonuse të tjerë të lidhur me përfshirjen në ndeshje dhe kohën e lojës. Llogaritja përfundimtare do të bëhet e ditur pas përfundimit të Kupës së Botës.

Në krahasim me Qatar 2022, shifra totale për klubet është rritur në 70% dhe shkon në rreth 355 milionë dollarë. Nga kjo shumë, rreth 1/3-ta mbulon periudhën e kualifikueseve (905 ndeshje).

Klubet që do të përfitojnë më shumë nga ky fond i FIFA-s janë Bajern Mynih, Barcelona, Manchester City e të tjerë. Nga Seria A, më shumë përfiton Milani, me 10 lojtarë të grumbulluar me kombëtare të ndryshme.

5 MIJE DORRALE

FIFA

Kupa e Botes

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.