Nju Jorku do të ketë dy rrugë të veçanta gjatë Kupës së Botës. Këshilli komunal i qytetit ka vendosur t’i emërojë ato përkohësisht me emrat e Thierry Henry dhe Pelé, dy yjeve të futbollit botëror. Turma e mbledhur në zemër të Manhattanit e priti me entuziazëm zbulimin e pllakës “Thierry Henry Way”.

Ish-ylli i Arsenalit dhe Barcelonës, i cili ishte pjesë e ekipit kombëtar francez fitues i Kupës së Botës në vitin 1998, u shfaq në një video në Instagram për të falënderuar qytetin dhe kryetarin e bashkisë, Zohran Mamdani, “një tifoz i vërtetë i Arsenalit, siç e dinë të gjithë”. “Familja ime do të jetë shumë e nderuar”, shtoi ish-lojtari 48-vjeçar, i cili e përforcoi më tej famën e tij në Shtetet e Bashkuara duke luajtur për Neë York Red Bulls në Major League Soccer për pesë sezone deri në vitin 2014.

Qyteti gjithashtu e riemërtoi rrugën në lagjen Queens në nder të legjendës braziliane Pelé. Emrat e rrugëve do të mbeten të pandryshuar deri më 1 nëntor.